LAUKIAK

Lauki

LAUKIAK

Wikipedia(e)tik

Geometrian, laukia irudi lau bat da, lau alde zuzen, lau erpin eta bi diagonal dituena.

Lauki-motak

• Lauki ganbilak: barne angelu guztiak 180º baino txikiagoak dira (erpin guztiak kanpora).
  
  • Paralelogramoa: aurrez aurreko aldeak paraleloak dituena. Horren ondorioz, aurrez aurreko aldeak eta angeluak ere berdinak dira. Haien adibide batzuk:
    • Karratua: lau aldeak berdinak eta lau angeluak zuzenak dituena.
    • Laukizuzena: lau angelu zuzen eta aurrez aurreko aldeak berdinak dituena.
    • Erronboa: lau aldeak berdinak dituen baina angelu zuzenik ez duena.
    • Erronboidea: aurrez aurreko aldeak soilik berdinak dituen eta angelu zuzenik ez duena.
    
     Ez-paralelogramoak: Binaka paraleloak ez dituzten laukiak dira.
    
  • Trapezioa: soilik bi alde paralelo dituena. Hiru mota daude:
    • Trapezio zuzena: bi angelu zuzen ditu.
    • Trapezio isoszelea: paraleloak ez diren aldeak luzera berdinekoak dira.
    • Trapezio eskalenoa: paraleloak ez diren aldeak luzera desberdinekoak dira.
  • Trapezoide: elkarren arteko alde paralelorik ez duena.

• Lauki ahurrak: angelu bat 180º baino handiagoa da.